Polaroid

Google69490f6862051cb8
google-site-verification: google69490f6862051cb8.htmlgoogle-site-verification: google69490f6862051cb8.htmlgoogle-site-verification: google69490f6862051cb8.html Basheer journalist sharfadi14

☀ Zabi inda kake son shiga ☀
Menu

→Home

→Akidojin Ahlussunnah

→Addinin musulunci (35)

→Tarihin magabata (60)

→Raddi / Maida martani (99)

→Face book post (30)

→Monthly Archives (60)

→Tambaya da Amsa (20)

→Sahabban Annabi {s.aw} (50)

→Taskar maluman sunnah (25)

→Akidar Y'an Shi'a Dangane da Al'kur'ani

→Fassarar Usulussunnah (20)

→Sheik Ja'afar {Rahimahullah} (65)

→Sheik Abubakar Gumi {Rahimahullah} (30)

→Sheik Dr. Muhammad Sani R/Lemo

→Salafiyyah Network Nigeria (100)

→Adam Sani Abu-Umayrah (99)

→Salaf Ustaz (79)

→Malama Ummi Ahmad Katsina

→Malama Amina Saleh Mande

Wannan shafin mallakar Coollogo com-1281358 3

SHAFI DON KARUWAR MUSULMI

**WA YA KASHE HUSSAIN r.a??**
(1)

Assalamu alaikum, Kamar yanda muke ganin masu da'awar qaunar Ahlul Baiti r.a suna nuna baqin ciki a watan Al-Muharram bisa Kisan Imam Hussain Bin Ali r.a, yanada kyau mu waiwaya baya mu dubi Tarihi, mugani kuma mu Gane, SUWAYE SUKA KASHE IMAM HUSSAIN r.a, domin ana wasa da qwaqwalwar jama'a ana hada tatsunuyoyi gameda kisan Hussain r.a, don Haka zamu koma baya kadan tun daga tushen Wutar, Qissar da kanta zata fada mana suwayen sukai kisan, sannan Ahlul-Baitin dakansu zasu tabbatar mana da La'anannunda suka kashe Hussain r.a:

"Bayanda Akaiwa Yazid bin Mu'awiyah r.a Mubaya'a bisa shugabancin Musulmai, a shekara ta 60 bayan Hijirah, yana dan shekaru 34, amma da Abdullahi bn Zubair da Imam Hussain r.a basuyi masa Mubaya'a ba, bayan dukkansu suna Madinah ne!

Sai ya tura wajen Abdullahi bin Zubair akan yayi Mubaya'a, sai yace: "Ku jira dare yayi sai na fada maku ra'ayina", sanda dare yayi, sai ya fice daga Madinah ya gudu zuwa Makkah, bai yi Mubaaya'a ba!

Sai ya Aika wajen Hussain bn Ali r.a akan yayi masa Mubaya'a, sai Imam Hussain yace: "Bazanyi Mubaya'a ba a asirce, zanyi mubaya'a ne a idon mutane" sai suka Amince, bayanda dare yayi, sai yabi bayan Abdullahi bn Zubair r.a ya gudu zuwa Makkah.

Labari ya isarwa mutanen Iraaq cewar: Hussain r.a baiyi mubaya'a wa Yazid r.a ba, sai suka dinga turo masa wasiqu akan yazo su masa Mubaya'a, domin basu son Yazid r.a, kai hatta Mu'awiyah r.a basu sonsa, su Imam Ali r.a da Yaransa suke so! Suka dinga turo masa Wasiqu akan:

"Mun maka mubaya'a, Bamusan kowa baicinka, Yazid baida mubaya'a akanmu, mubaya'armu tana gareka"!

Suka dinga turo wasiqu, abu yayi yawa, har takaiga sun Turowa Imam Hussain r.a wasiqu kusan 500, dukkanta daga Mutanen Kufah suka iso!.

Da haka suka Yaudari Imam Hussain r.a, suka rudeshi suka Ha'inceshi! Domin iraqi (Kufah da Basrah) garine mai hauragiya da hayaniya, garine dake cike da tunbotsai! Duk wata fitina dake tasowa a duniyar Musulunci, Iraqice tushenta, ko kasamu tanada hannu ciki!

Bayanda Imam Hussain r.a yaga abun yayi yawa, sai ya Tura dan'uwansa Muslim bn Aqiyl bn Abi-Talib r.a, domin ya binciko gaskiyar Labari, ya kuma ga haqiqanin abinda ke wakana, shin wannan takardu gaskiya ne?

Sai Muslim bn Aqiyl r.a ya shirya ya kama Hanyar zuwa Iraqi domin cika Umarninda Hussain r.a ya bashi!

**Abinda zamu amfana dashi a wannan gajeren rubutu shine:

1: Yan-Iraqi sune suka rubutowa Hussain r.a wasiqa suka gaiyace shi.
2: Yan-Iraqi masoyan Imam Ali ne da kuma Ahlul Baiti r.a.

Anan zanci Birki, sai Allah ya kaimu Gobe zamuji ya ta kaya da Muslim bn Aqiyl bayanda ya isa Iraqi, meya faru?

** WA YA KASHE HUSSAIN r.a???**(2)

Assalamu alaikum wr, Yan uwa kada ku mance, wannan bayani da na dauko, nayi hakane da zimmar tabbatar da Amsar wannan Tambaya, ta Hanyar tarihi da kuma su Ahlul-Baiti din r.a!

A jiya, nayi bayani kan Yanda Yan-Shi'ar Kufah, Mabiya Imam Ali da Ahalinsa r.a suka dinga turo wasiqu ga Imam Hussain r.a da Mubaya'a da suka dinga masa, gamida kira da Gaiyatarsa garesu da sukai tayi! To sai Hussain r.a ya tura dan'uwansa Muslim bn Aqiyl don ya dubo gaskiyar labarin, zan ci gaba yau da yardar Allah:

"Bayanda Muslim bn Aqiyl ya isa zuwa kufa, sai ya dinga tambayan mutane yana bugun cikinsu, har ya tabbatar da cewa lallai Mutanen kufah babu wanda sukeso bayan Hussain bn Ali r.a, sai ya sauka wajen Haani'I bn Urwah, mutane suka dinga zuwa, jama'a jama'a da dai-daiku, suna yiwa Muslim bn Aqiyl mubaya'ar Hussain r.a.

A Hannu daya kuma: Nu'uman bn Bashiyr shine shugaban Kufah kamar yanda Yazid bn Mu'awiyah r.a ya nada shi, sanda ya samu labarin Muslim bn Aqiyl ya iso kufah kuma mutane suna zuwa sunai masa mubaya'ar Hussain r.a, sai yayi kamar baisan komai ba, yaqi nuna wani abu, har wasu daga wajensa suka fita zuwa wajen Yazid a sham suka bashi labarin abinda ke faruwa a kufah, kuma Muslim mutane na can na masa Mubaya'a, kuma Nu'uman be damu da wannan abu ba!

A wannan Lokacine Yazid ya cire Nu'uman bn Bashir daga shugabancin Kufah, sai ya Turo Ubaidullah bn Ziyad a matsayin sabon shugaban Kufah, bayan ada ya kasance shugaba ne a Basrah, Sai aka Hada masa da Kufa ta dawo qarqashinsa, domin ya warware wannan Mas'alar.
Sai Ubaidullah bn Ziyad ya iso Kufah cikin dare, ya rufe fuskarsa, duk inda ya hadu da mutane sai ya musu sallama, suna amsawa suna cewa: "Wa'alaikumussalaam ya dan diyar Manzon Allah s.a.w" suna zaton cewa Hussain r.a ne, daga nan ya wuce Faada, sai ya tura Bawansa mai suna Ma'aqil domin ya binciki lamarin cikin gari, kuma ya gano waye babba cikin wannan lamari.

Sai wannan Bawa ya tafi a matsayin wani Mutum daga HIMS, kuma yazo da Diynari 3000 don bayardasu ga Hussain r.a, ya dinga Tambaya har aka nuna masa gidan Hani'I bn Urwah, sai ya shiga, ya samu Muslim bn Aqiyl a ciki, sai ya masa Mubaaya'a kuma ya bashi Diynari 3000 dinnan, ya dinga kai-komo wajensu har ya tabbatar da lamarin, daga nan ya koma wajen Ubaidullah ya bashi labari!

Bayan komai yayi daidai, mutane da yawa sukai mubaya'a wa Hussain r.a ta Hanyar Muslim bn Aqiyl, sai ya tura wa Hussain r.a akan YAZO, domin Lamari ya kankama, Sai Hussain r.a ya fito ya nufo Kufah! Ubaidullah bn Ziyaad yasan abinda Muslim bn Aqiyl ya aikata! Sai ya tura akawo masa Haani'I bn Urwah, sai akazo dashi"

Me zai faru bayan zuwan Urwah bn Haani'I faadar Ubaidullah?

Ya Batun Tasowar Imam Hussain r.a? Me zai faru a Hanya?

Shi kuma Muslim bn Aqiyl ya zata kaaya dashi?

Ya batun Yan shi'ar Imam Ali r.a na Kufah, me zasuyiwa Hussain r.a bayan isowarsa?

Sai ku biyoni a rubutu na gaba da izinin Allah don jin wadannan Amsoshin!

Wassalamu alaikum.

**WA YA KASHE HUSSAIN r.a??**(3)

Assalamu alaikum, a rubutuna da ya gabata, munji yanda ta kaya bayan Zuwan Muslim bn Aqiyl kufah, kuma munji Ubaidullah bn Ziyaad ya tura akawo masa Hani'I bn Urwah bayan ya tura bawansa ya gano sirrin, sai yasa akawo masa Hani'I bn Urwah, to yau zamuji abinda ya wakana:

"Bayanda aka kawo Hani'I bin Urwah, sai (Ubaidullah) ya tambayeshi: Ina Muslim bn Aqiyl? Sai yace: Ban sani ba!
Sai Ubaidullah ya kira bawannan nasa Ma'aqal yazo, sai yacewa bawansa: Kasan wannan? Sai yace: Eh, sai Hani'I ya fadi, yasan cewa an shirya masa yaudarane (zuwan wannan bawa da yayi) daga Ubaidullah, sai Ubaidullah bn Ziyaad yace masa: Ina Muslim bn Aqiyl? Sai yace: 'Na rantse da Allah, da ace ya kasance a qasan qafata da bazan dagata ba, sai Ubaidullah ya doke shi, yayi Umarni da a tsareshi.

Labarin abinda ya faru ya ishi Muslim bn Aqiyl, sai ya fito da rundunar mutane 4000, ya tsare Gidan sarautar Ubaidullah, mutanen Kufah suka fito tare dashi, a wannan lokacin, manyan mutane na wajen Ubaidullah, sai yace dasu: Ku kawar da mutane daga Muslim bn Aqiyl, kuma ya alqauranta masu kyaututtuka da kuma tsoratar dasu Rundunonin Shaam!

Sai shuwagabanni suka dinga kauda mutane daga Muslim bn Aqiyl, sai Uwa tazo ta janye danta, Uba yajanye dansa, wa ya janye qaninsa! Har saida ya zamana babu wanda ya rage taredashi baicin Mutane 30 daga cikin 4000!!!!

Rana bata fadiba sai ga Muslim bn Aqiyl shi daya Qwallin-qwal, dukkan mutane sun gudu daga gareshi, ya rage shi kadai yana yawo a unguwannin kufah, baisan inda zai tafi ba, sai ya bugawa wata mata qofa yar qabilar Kindah, yace: Inason ruwa ne, sai ta nuna bata sanshi ba, tace: waye kai? Yace: Nine Muslim bn Aqiyl, yabata labarin abinda ya faru, kuma mutane sun wulaqanta shi, kuma Hussain zai taho domin yace masa ya iso, sai tashigar dashi gidanta bisa kulawarta, tazomasa da abinci da ruwa!

Amma sai dai kash....... Danta ya je ya baiwa Ubaidullah labarin inda Muslim yake, sai ya tura mutane 70 su kamo shi, sukai kashe-kashe, aqarshe dai ya miqa wuya bayan sun amintar dashi, aka kaishi Gidan sarauta inda Ubaidullah ke ciki, sanda aka kawoshi, sai ya Tambayeshi:

Menene dalilin fitowarsa Kufah? Sai yace: Mubaya'ar dake wuyarmu ta Hussain bn Ali ce, sai yace: Ashe babu Mubaya'ar Yazid a wuyarka? Lallai zan kashe ka, sai Muslim yace: Barni nayi wasiya, sai yace: eh, yi wasiyar.
Sai ya waiga, sai yaga Umar bn Sa'ad bn Abi-waqqaas, sai yace dashi: Kaine mafi kusancin mutane dangantaka dani, zo nai maka wasiyyah, sai ya jashi gefen gidan, ya masa wasiyar: Ya turawa Hussain ya koma. Sai Umar bn Sa'ad ya tura wani mutum zuwa Hussain don ya fada masa cewa Al'amari ya qare,

KUMA MUTANEN KUFAH SUN YAUDARESHI!

Sai Muslim ya fadi Shahararriyar Kalmarssa:

"KA KOMA DA IYALANKA, KADA MUTANEN KUFAH SU RUDEKA, DOMIN MUTANEN KUFAH SUN QARYATAKA SUN QARYATANI, KUMA MAQARYACI BAIDA RA'AYI".

An kashe Muslim bn Aqiyl a ranar Arafah, Shi kuma Hussain ya fito daga Makkah ranar Tarwiyah kafin Kisan Muslim da kwana 1!

(Innaalillaahi wa innaa ilaihi raaji'in)!"

Abinda ya faru kenan da Muslim bn Aqiyl Allah ya masa Rahmah, yanzu a rubutu na gaba zamuji fitowar Hussain zuwa Kufah,

bayan ya samu labarin abinda ya faru da Muslim bn Aqiyl dan'uwansa!

Duk mai son ganin wannan qissah a sauqaqe sai yaje ya duba:

HIQBATUN MINAT-TARIYKH na Usman bn Muhammadul Khamiys! Wannan Qissah na shafi na 142-143 ne!

Sai mun hadu a rubutu na gaba in Allah ya nufa!

Wassalamu Alaikum.

**WA YA KASHE HUSSAIN?**(4)

Assalamu Alaikum, Yan'uwa barkanmu da saduwa awannan lokaci, a rubutunda ya Gabata munji yanda Aka Kashe Muslim bn Aqiyl r.a, da kuma aikewa da yayi wa Hussain r.a akan kada yazo Iraqi, ya komai kawai Munafuqai ne!

Yau da Yardan Allah zamuji yanda ta kasance:

"Sahabbai da dama sunyiwa Hussain r.a inkarin Fita zuwa Kufah, akan ya haqura da lamarinsu, kamar su: Abdullahi bn Umar r.a, Abdullahi bn Abbas r.a, Abdullahi bn Amru bnl Aas, Abu-Sa'I'd Al-khudriy, Abdullahi bn Zubair r.a da kuma dan Uwan Hussain r.a din Muhammad bn Hanafiyyah! Dukkansu sun Haneshi da zuwa kufa sanda sukaga himmatuwarsa na tafiya Iraaq (kufah), Amma Hussain r.a yaqi Karban Shawarar su, ya tafi zuwa Kufah. (Albidaayah wannihaayah: 8/161-168).

Bayanda Wasiqar Muslim bn Aqiyl da labarin kisansa ya isowa Hussain r.a, sai Yayi nufin juyawa ya koma Madina, amma sai Yan'Uwan Muslim (Aali Aqiyl) sukace lallai bazasu koma ba har sai sun dauki Fansar Muslim!

Imam Hussain r.a sai ya ci gaba da tafiyarsa zuwa Iraqi ya dauki Ra'ayin Aali-Aqiyl!

Sanda Ubaidullah bn ziuyad ya ji labarin Tahowar Hussain r.a sai ya tura Hur bn Yaziyd Attamiymiy da runduna ta mutum 1000 don su hadu da Hussain r.a a hanya, sai ya Hadu da Hussain r.a a kusa da Qadisiyyah.

Hurr yace da Hussain r.a: Ina zuwa ya dan Diyar Manzon Allah s.a.w?
Hussain: Iraaq.
Hurr: Lallai ina Umartarka da ka koma, kada Allah ya Jarabceni dakai, ka koma inda ka fito, ka ka tafi Shaam wajen Yaziyd, amma kada ka je Kufah!
Sai Hussain r.a yaqi yarda da hakan, sai ya dinga bin Hanyar Iraaq, shi kuma Hurr yadinga Tareshi yana Hanashi, sai Hussain yace dashi: Ka tafi ka bani wuri (Uwarka tayi asararka).
Sai Hurr bn Yaziyd yace: Na rantse da Allah, da waninka ne ya fadi haka gareni cikin Larabawa, da na Dau Fansa akansa da kan Mahaifiyarsa, sai dai mezance bayan Mahaifiyarka itace shugabar Matan Duniya!!!.

Hussain Ya iso KARBALA sai ya tambaya: Ya sunan wannan Wurin? Akace KARBALA, sai Yace: KARB (Baqinciki) BALAA'U (Balaa'I) kenan!

Bayan Rundunar Umar bn Sa'ad ta iso, sai yawa Hussain Magana akan ya Taho tare dashi zuwa iraq wajen Ubaidullah bn Ziyaad, sai Yaqi.

Sanda Hussain r.a yaga cewa Lallai lamarin megirma ne, sai yacewa Umar bn Sa'ad: Zan baka Zabi guda 3, ka zabi wacce kaso, sai Umar yace: menene su?, Hussain r.a yace:

1: Ka qyaleni na koma.
2: Ko kabarni in tafi wani gari daga garuruwan Musulmai.
3: Ko in Tafi wajen Yazid in samasa hannu a hannunsa (mubaya'a)!

Sai Umar bn Sa'ad yace: Kai ka aika wajen Yazid, ni kuma zan Aika wajen Ubaidullah bn ziyad, sai ya duba yanda lamarin zai kasance!
Amma Hussain be aikewa Yazid ba, shi kuma Umar bn Sa'ad ya aikewa Ubaidullah bn Ziyaad".

(Hiqbatun-Minattaariykh: 143-146).

A rubutu na gaba zamuji Yanda ta kasance bayan isan saqo ga Ubaidullah! Amma fa kada mu mance, Yazid har yanzu baida Masaniya akan halinda ake ciki, kuma Hussain be aika masa saqo ba!

Wassalamu alaikum.

**WA YA KASHE HUSSAIN r.a??**(5)

Assalamu alaikum, a rubutunda ya gabata, munji cewa Hussain r.a ya cimma Yarjejeniya da Umar bn Sa'ad (Commandan Ubaidullah) akan cewa: Shi Hussain zai je yayiwa Yazid Mubaya'a, zai tura dan saqo yaje ya fadawa Yazid din!

Sannan shi kuma Umar bn Sa'ad ya aikewa Ubaidullah da dan Aike bisa wannan Yarjejeniya! Sai shi Hussain yaqi ya Tura dan aike, shi kuma Umar ya tura nasa,

To zamuji yanda abin ya kasance:

"Sanda Dan Aike yajewa Ubaidullah bn Ziyaad, kuma ya bashi labarin abinda ya faru, kuma Hussain r.a yace:

'Ina baku zabi tsakanin abubuwa 3 (sai ya fada masa su), sai Ubaidullah yace ya Yarda da dukkan sharuddan, Hussain r.a yazabi duk wacce yaso, shi ya Yarda kawai!

To sai dai a wajen Ubaidullah akwai wani mutum da ake kira Shamr bn Zil-Jaushan, ya kasance cikin Manyan Makusanta ga Ibn Ziyaad, sai (Shi Shamr) din yace: A'a wallahi, dole sai ya sakko kan Umarninka, sai Ubaidullah ya karbi maganar sa, yace be yarda ba, dole sai Hussain r.a ya Karbi Hukuncina!

Sai Ubaidullah ya shirya aika Shamr bn Zil-jaushan, yace: Kaje (kada ka barshi) har sai ya sakko kan Hukuncina, idan Umar bn Sa'ad ya yarda da wannan Umarni shikenan, idan yaqi to kai ka Karbi jagorancin Rundunar!

Sai Shamr bn Zil-Jaushan ya fito, Labari kuma ya iso zuwa Hussain r.a, kuma lallai ba makawa dole ya sakko kan lamarin Ubaidullah bn Ziyaad, sai yace: Beyarda ba yace:

A'a wallahi, Bazan taba sauka akan hukuncin Ubaidullah ba har Abada!!!

Wadanda suke tareda Hussain r.a Mahaya doki 72, Rundunar Kufah kuma 5000 ne, sanda Rundunonin 2 suka tsaya, sai Hussain r.a yacewa Rundunar Kufah: "Ku bibiyi kawunanku ku lissafa, Shin kisan kamata ya dace daku? Alhali nine dan Diyar Annabinku, kuma akaf ban Qasa, babu wani dan Diyar Annabi baicina, kuma Haqiqa Annabi s.a.w yace min da dan'uwana: "Wadannan 2n sune shuwagabannin Matasan Aljannah"!

Ya dinga zaburar dasu bisa barin Umarnin Ibn Ziyaad da kuma hadewa da Rundunarsa, sai Mutane 30 cikinsu suka dawo rundunar Hussain r.a, daga cikinsu akwai Hur bn Yaziyd Attamiymiy wanda ya kasance Comanda ne na rundunar farko ta Ubaidullah, sai aka ce dashi: kai kazo tare da mu shugaban runduna, amma Yanzu ka koma wajen Hussain?

Sai Yace: kaiconku! Wallahi ana bani tsakanin Aljannah ne da Wuta, Wallahi bazan taba zaban Wutaba, koda an yayyankanine an qonani!

Bayan haka, Hussain r.a Yayi sallar Azahar da La'asar a ranar Alhamis, shine ya jagoranci sallar, wacce dukka rundunar Ubaidullah da ta Hussain din suka bishi sallar.

Sanda Magriba ta gabato, sai (Rundunar Ubaidullah) suka gabato da dawakansu wajen Hussain, Hussain r.a yakasance tareda Takobinsa, yadanyi barci kadan, sanda ya gansu, sai yace: meye wannan? Sai akace: sune suka gabato, sai yace: kuje wajensu ku masu magana, ku tambayesu me suke so?

Sai mahaya dawakai 20 sukaje, cikinsu akwai Abbas bn Aliyu bn Abiy Talib, dan Uwan-Hussain, sai Sukai masu magana suka tambayesu: Me sukeso? Sai sukace: Kodai ya sauka kan Umarnin Ubaidullah, ko ayi Yaqi!
Sai sukace: Har sai mun fadawa Aba-Abdullah (Kuniyar Imam Hussain r.a kenan), sai suka koma wajen Hussain r.a suka fada masa, sai yace: Kuce masu su mana jinkiri a wannan daren har nayi sallah ga Ubangijina, gobe ma basu labari, domin inason inyi sallah ga Ubangijina t.a, sai Hussain r.a ya kwashe darensa gaba daya yana sallah ga Allah t.a, yana Istigfaari yana roqon Allah, shida wadanda yake taredasu r.a!

*References: Al-Bidaayah wannihaayah, Hiqbatun-Minattaariykh.

A rubutu na gaba zamuji yanda ta wakana bayan wayewar Gari!

Wassalamu alaikum.

**WA YA KASHE HUSSAIN R.A?**(6)

Assalamu alaikum wr, A jiya mun tsaya inda Rundunar Shamr Bn Ziljaushan, wacce Ubaidullah yaturo don yaqar Hussain r.a ta dunfaro su, sannan Hussain r.a ya nemi afuwa zuwa safiya domin yanaso ya gana da Ubangijinsa,

Haka Hussain Ya Kwana sallah da Roqon Allah, shida wadanda ke tare dashi! To yau zamuji abinda ya faru bayan wayewar Garin Jumu'ah:

"A safiyar Ranar Jumu'ah, yaqi ya kaure tsakanin bangarorin biyu, bayanda Hussain r.a yaqi yarda a tafi dashi wajen Ubaidullah a matsayin kaamamme, sai dai bangarorin 2 bazasui daidai ba,

Rundunar Hussain r.a sukaga lallai ba yanda zasuyi da wadannan, ahaka suka dinga Mutuwa gaban Hussain r.a daya bayan daya, har suka qare, ba wanda yayi saura cikinsu baicin Hussain r.a da Dansa Aliyu bn Hussain wanda bashida lafiya a wannan lokacin, haka Hussain r.a yayi yammaci ba wanda ya tunkaroshi, duk wanda ya matso sai ya juya gudun kada ya zama shine ya kashe Hussain r.a, har saida Shamr bn Ziljaushan yazo, sai yayiwa mutane Tsaaawa! Kaicon ku, Uwayenku sunyi hasararku, ku diran masa ku kasheshi! Sai sukazo suka tsare Hussain bn Ali r.a, sai Hussain r.a yadinga kutsawa Tsaksaninsu yana kashesu, har ya kashe adadi me yawa, domin yakasance kaman ZAKI ne, sai dai kash, Yawa ta rinjayi Jarumta!

Shamr ya musu tsaawa: Kaiconku! Me kuke jira???? Ku isa!!!! Sai suka isa ga Hussain r.a Suka Kasheshi!

INNAALILLAAHI WA INNAA ILAIHI RAAJI'UN!!!

Wanda ya Kashe Hussain r.a shine: SINAAN bn ANAS AN-NAKHA'IY, sai ya guntule kan Hussain daga Jikinsa! Wasu sukace SHAMR bn ZIL-JAUSHAN ne! Allah Ya La'ancesu!!!!

Bayan kashe Hussain r.a, sai aka dauki Kansa aka kai Kufah wajen Ubaidullah bn Ziyaad, sai ya dinga zungurinsa da sandarsa yana sanyata a bakinsa a wushiryarsa! Yakasance Hussain r.a yanada Wushirya kyakkyawa! Sai Anas bn Malik ya miqe yace: (Wallahi Ba lalatacce kamanka, haqiqa naga Manzon Allah s.a.w yana sumbatan wurinnan da kakesanya sandarka)!

WADANDA AKA KASHE TAREDA HUSSAIN r.a daga Iyalan gidansa:

-DAGA YAYAN ALIYU BN ABI TAALIB: Hussain r.a, Ja'afar, Abbaas, Abubakar, Muhammad da Uthmaan.

-DAGA YAYAN HUSSAIN: Abdullah, Aliyul-Akbar!

-DAGA YAYAN HASSAN: Abdullah, Alqaasim, Abubakr.

-DAGA YAYAN AQIYL: Ja'afar, Abdullah, Abdur-Rahman, Abullah bn Muslim bn Aqiyl, sai Muslim bn Aqiyl da aka kashe tun Farko a Kufah!

Sai Aun da Muhammad daga cikin Yaran Abdullahi bn Ja'afar!

A Jumlace Mutane 18 duk daga cikin Iyalan Gidan Manzon Allah s.a.w aka kashe a wannan Yaqi na Zalunci INNAALILLAAHI WA INNAA ILAIHI RAAJI'UN!

Akwai Abubuwa da dama da ake fadi gameda Kisan Hussain r.a, wanda ba Shakka ZUQl TAMALLO ce! Daga ciki akwai cewa wai anga sama tana Ruwan jini, bango ko ina ya cika da jini, ba dutsenda za'a daga face anga Jini, ko duk abinda aka yanka sai yazama jini gaba dayansa dasauransu, wannan ba shakka tsabar Qaryace, ba wata riwaya ingantacciya da ta tabbatar da haka!

Sai dai Ya tabbata cewa: Ummu salmah taji Kukan Aljanu sanda aka kashe Hussain r.a! (Fadaa'ilus-sahaabah: 2/766 hadisi 1373).

Kuma ya Tabbata cewa Ibn Abbas yaga Manzon Allah s.a.w a Mafarki Yayi Gizo yayi Qura, yana dauke da wata Kwalba dauke da jini, yace Jinin hussain ne da wadanda Aka kashe taredashi! (Fadaa'ilus-sahaabah: 1380).

wannan kenan a taqaice gameda KISAN HUSSAIN r.a! Kana iya duba:

(Hiqbatun Minat-tariyk, Albidaayah wannihaayah),

Abinda zamu dauka na Darasi anan shine:

1: Yazid bn Mu'awiyah r.a bashine ya kashe Hussain ba, ba shine yabada Umarnin kisan Hussain ba! Sannan ba'a kai masa kan Hussain r.a ba! Babu wata riwaya ingantacciya da tazo da wadannan qarairayi!

2: Ubaidullah bn Ziyaad L.A shine yabada Umarnin Kisan Hussain r.a, qarqashin Shamr bn Zil-Jaushan, sannan Sinan bn Anas An-nakha'iy Allah ya la'ancesu baki daya!

A rubutuna na 7: Zan tabo Zahirin Makasan Hussain r.a! Wannan na kawo Labarin ne a dunqule! Kuma zan kawo shawahid ne daga Littafan Masu baqaqen Zukata (Shi'a)! A qarshe kuma in kawo Matsayata akan Yazid bn Mu'ayiwah, da kuma Matsayar Malaman Ahlus-sunnah gameda shi!

Wassalamu alaikum wr.

**WA YA KASHE HUSSAIN?**(7)

Assalamu alaikum, Bayan jin yanda ta kasance a kisan Hussain bn Ali r.a!

Mun fahimci cewar Yazid bin Mu'awiyah beda Hannu a kisan Hussain r.a, kuma be bayarda Umarnin Kisan Hussain r.a ba!

Hakan baya Nufin Mun wanke Yazid, ko kadan ba haka bane, wallahi iya gaskiyar da na sani kenan!

Mutanen Kufah sune suka kashe Hussain r.a da Ahalinsa! Sannan YAN SHI'ARSA da SHI'AR MAHAIFINSA sune suka kasheshi!

Ba ni na fadi ba, Malaman Shi'ah ne!

Yanada kyau Musani Mutanen Iraaq (Kufah) Shi'ar Imam Ali ne r.a, sai dai basuda biyayya da daa'a, sai dai Imam Ali r.a yayi Allah wadai dasu! Kai Har cewa Imam Ali r.a MAQARYACI SUKAI!!! (Nahjul Balaagah: 1/187-189. 118-119).

*IMAM HASSAN bn Ali r.a na cewa:

(Wallahi mu'awiyah ya fiminku Alheri, suna kiran su Shi'ah ta ne, sun nemi kasheni, sun keta mutuncina, sun dibi dukiyata, wallahi inda ace Mu'awiyah zai qulla alqawarin kare jinina, da amintar da ni cikin iyalina, wannan yafi min Alheri da su yaqeni! Sai Ahalina sun wulaqanta da ya iyalaina, da ace na Yaqi Mu'awiyah, DASUN KAMA WUYATA SUN MIQANI GUNSA).

(Annadwah:3/308, Fi-rihaabi Ahlil-Bayt: 270).

Wannan zai fitomana da Zahirin Shi'a, Munafuqaine, Basuda Maraba Da Yahudawa! Musamman na Israa'ila!

Haqiqa Muhammad bn Ali bn Abi Talib (ibn Hanafiyyah), ya Hana Hussain r.a zuwa Iraqi yace masa:

(Ya kai Dan-Uwana, haqiqa kasan cin amanar mutanen Kufah ga mahaifinka da dan'uwanka (Hassan r.a), ina Ji maka tsoron kazamo kamar su (Mahaifinka da Hassan r.a, kaima su kasheka).) (Ku duba: Alluhuwf:39, Ashuraa:115, Majaalisul Fakhirah: 75).

Mawaqinnan FARAZDAQ ya cewa Hussain r.a sanda yaganshi zai tafi wajen Shi'arsa na Iraqi: (Zukatansu na tare da kai, Takubbansu na kanka -sunason kasheka-) -Majaalisul Fakhirah:79, Al-waa'ijul Ashjaan:60-.

Yasa zamuga Hussain r.a sanda yaje Kufah da yaga cewar lallai suna shirin Ha'intarsa a Khutubarsa yake cewa: (Idan har bakuyi (min mubaya'a) ba kuma kuka warware alqawarinku, kuma kuka cire mubaya'ata daga wuyarku, Wallahi wannan ba baqon Abubane gameda ku! Haqiqa kun aikata hakan ga Mahaifina da dan'uwana (Hassan) da kuma dan Ammina Muslim!

RUDADDE SHINE WANDA YA RUDU DAKU!)

*ku duba: Ma'aalimul-madrasatain:3-71-72, Ma'aalis-sibtain:1/375, Bahrul Uluwm: 194).

Kunji Khutbar Hussain a Kufah!

*Aliyu Zaynul Aabidiyn na cewa yana mai wofintar da Shi'arsu wadanda suka Qasqantar da Babansa suka kasheshi: (Ya ku Mutane, ina hadaku da Allah, shin kunsan kune kuka rubutawa Babana wasiqa kuka yaudareshi, kuka bashi Alqawari da mubaya'a kuma kuka kasheshi kuka qasqantar dashi, TIR dsa abinda kuka aikatawa kanku, tir da munin ra'ayinku, da wani ido zaku Kalli Manzon Allah s.a.w sanda zaice muku: (Kun kashe tsatsona ku keta hurumina baku cikin Al-ummata)!

Sai wurin ya kaure da koke koke sunata ihu suna sun halaka sai sukace: (Mu dukkanmu masu sauraronkane masu kare mutuncinka, bamu gujewa daga gareka kuma bamu fifita wani akanka, ka Umarcemu da Umarninka! Mu masu yaqi ne da Yaqinka, kuma masu zaman lafiya da zaman lafiyarka! Zamu kama Yazid kuma wlh zamu barranta daga duk wanda ya zalunceka ya zaluncemu! Sai YACE: Har Abada makirai mayaudara, An iyakance tsakaninku da abinda kuke fata, kunaso kuzomin ne kamar yanda kuka zowa Babana a baya? A'a na Rantse da Ubangijin Taurari, ciwon haryanzo bai bar radadi ba, an kashe Babana jiya da iyalansa tareda shi, kuma Radadin Manzon Allah s.a.w da Mahaifina bai barni ba! Radadinsa na zuciyata, dacinsa na maqoshina da maqogorona!)

*Al-Malhuf:86, Maqtalul Hussain: 83, Nafsul Mahmum:357*

Yasanya duk sanda Zaynul Aabidin yaga Shi'ar Kufah suna Kukan Mutuwar Hussain r.a sai ya tsawatar musu yace: (Kuna Jimami kuna kuka a domin mu (ahlul-baiti), to waye ya kashemu in ba ku ba?) *Malhuf:91, Nafsul Mahmum:363*

Wannan ya ishi duk me hankali dason gaskiya! Zanci gaba a rubutu na 8!

**WA YA KASHE HUSSAIN?**(8)

Assalamu alaikum! Yan'uwa a rubutuna da ya gabata, na soma kawo maganganun Ahlul-Baiti kai tsaye daga Littafan shi'a, wadanda ke tabbatar da kasantuwar Shi'ar Imam Ali da Hassan sune makasan Hussain,

zan ci gaba ayau insha-Allah!

*Ummu Kulsum Bnt Aliy r.a Yar'uwar Hussain r.a tana cewa:

'Yaku Mutanen Kufah Tir daku! Meyasa kuka wulaqanta Hussain kuka kasheshi, kuka turmusa dukiyarsa kuka gajeta, kuka kama matansa, kuka wulaqantashi, tir daku Allah wadaranku, wace ruduce ta rudeku, kuma wani irin zunubine a bayanku kuka dauka? Wani jinine kuka zubar?

(Al-Malhuf:91, Nafsul Mahmum: 363).

*Zainab bnt Ali r.a tana cewa alokacinda taron Shi'arsu suka tareta da kuka: (kuna kuka ne kuna baqinciki? Tabbas wallahi, kuyi kuka dayawa kuma kuyi dariya kadan)

(Ma'al hussain fi nahdatihi:295).

MALAMAN SHI'A DA SUKA TABBATAR DACEWA LALLAI SHI'A ne ta kahe Hussain r.a:

1: JAWWADU MUHADDISIY: yace: (Dukkan wadannan sabubba sunkaiga Imam Ali ya dandani Daci 2 daga garesu, Imam Hassan ya fuskanci Yaudara daga garesu, an kashe Muslim bn Aqil bisa zalunci agabansu, An kashe Hussain r.a yana cikin Qishi a Karbala kusada Kufah a hannun Rundunar Kufah).

-Mausu'atul Aashuraa: 59-.

2: HUSSAINUL KURAANI: (Mutanen Kufah basu tsaya ga rabu da Hussain ba kadai, sai dai sun juya zuwa matsayi na 3, shine suka dinga fitowa karbala, suka yaqi Imam Hussain a.s, akarbala suka dinga shirya abindake faranta ran shedan, yake Fusata Allah)

-Fi rihaabi Karbala:60-61-

Ya sake cewa: Kuma zamu samu matsayi na daban dake nuna Munafurcin Mutanen Kufah,

Abdullahi bn Huzah attamiymi yazo gaban Imam Hussain yana ihu yana cewa: cikinku akwai Hussain? Wannan fa Abdullahi yana cikin mutanen Kufah, kuma yana cikin Shi'ar Imam Ali a.s a jiya, kuma tana yiwuwa yana cikin wadanda suka rubutawa Imam wasiqa, sannan yake cewa: Ya hussain kayi bushara da wuta)

-Fi rihaabi karbala:61-

3: MURTADAA MUTAHHARIY: (Babu kokonto cewa Kufah Shi'ar Imam Ali ce, kuma lallai wadanda suka kashe Imam Hussain Shi'arsa ce)

-Fi rihaabi karbala:61-.

Ya sake cewa: (don haka mu mun tabbatar da cewa wannan qissa me muhimmanci ce ta wannan fuska, kuma munce: Kisan Hussain a.s yakasance a hannun Musulmai ne, kai a hannun Shi'arsa ma bayan shekaru 50 da rasuwar Annabi s.a.w kawai, wannan lamarine me ban mamaki)

-Malhamatul Husainiyyah:3/94-.

4: KAAZIMUL IHSAA'IY ANNAJAFIY: (Rundunar da tazo yaqar Imam Hussain 300000 ce, dukkansu mutanen kufah ne, ba dan Sham cikinsu balle hijaaz balle Indiya balle pakistan balle sudan balle misra balle dan Africa, dukkansu yan kufah ne, sun hadu daga qabilu daban-daban).

-Aashuraa:89-.

5: HUSSAIN BN AHMAD ALBARRAAQIY ANNAJAFIY: (Qazwiyni yace: daga cikin abinda aka kama Mutanen kufah dashi shine: Sun kashe Hassan bn Ali a.s, sun Kashe Hussain bn Ali a.s bayan sun kirashi)

-Tariykhul kufah:113-.

6: MUHSINUL AMIN: (sannan Mutanen Iraaq sukaiwa Hussain Mubaya'a mutum 20000 suka shirya masa ha'inci, suka fito akansa, mubaya'arsa na wuyarsu, sai suka kasheshi)

-A'ayaanush-shiy'ah:1/26-.

WAYE YA KASHE HUSSAIN?????
Mutane 2 sune sukafi shahara bisa kisan Hussain:

1: SINAAN BN ANAS Annakha'iy!
2: SHAMR BN ZHILJAUSHAN!

Sai kuma wanda ya Assasa ya kuma Umarci kisansa:-

UBAIDULLAH Bn ZIYAAD!
Da SHAMR BN ZHIL JAUSHAN (wanda ya kashe Hussain r.a) da UBAIDULLAH bn ZIYAAD (wanda yabada Umarnin kisan Hussain) dukkansu Shi'ar Imam Ali r.a ne! Malaman Shi'a sun Tabbatar da hakan:

1: UBAIDULLAH BN ZIYAAD: AT-TUSIY ya ambaceshi cikin littafinsa na AR-RIJAAL kuma ya lissafashi cikin Sahabban Imam Ali r.a
(Rijaalut-Tusiy:54).

2: SHAMR BN ZHIL JAUSHAN: NAMAAZISH-SHAHRUWDIY yace gameda SHAMR: yakasance ranar SIFFIN cikin Rundunar Imam Ali a.s.
(Mustadrakaatu ilmu rijaalil Hadiys:4/220).

Don Haka ga gaskiya nan daga Bakin Malaman Shi'ah, SHI'AR AHLUL BAITI SUNE SUKA KASHE AHLUL BAITI! Ya Allah ka tsinewa wadanda Suka Kashe Hussain r.a da sauran Ahlul Baiti! Ya Allah kamar yanda suka Zubda jinin Ahlul Baiti, Allah kasanya su dinga zubar da jinai-nansu har tashin Qiyamah!

*Koma Saman Shafi*

→Labarai

HUDUBAR JUMU'A DAGA MASALLACIN JUMU'A NA IHYA'US SUNNAH DAKE KOFAR NASSARAWA KANO AUDIO MP3 (Basheer Journalist Sharfadi) 2015-08-07 20:43:42 ( 373 )

KIFI NA GANIN KA MAI JARKOMA Kashi ta 11 (Basheer Journalist Sharfadi) 2015-08-07 20:42:41 ( 11 )

LAKCA! LAKCA!! LAKCA!!! (Basheer Journalist Sharfadi) 2015-08-07 20:41:17 ( 4 )

MUNAFUNCI DODO NE!! (Basheer Journalist Sharfadi) 2015-08-07 20:40:13 ( 17 )

HASSADA MUGUN CIWO, ANIYARKA TABI KA ABDULJABBAR KA SANI HALIFA QARIBULLAH YAFI KARFINKA,(Imam Aliyu Indabawa) 2015-08-07 20:39:23 ( 35 )